சகோ. மோகன் சி லாசரஸ் சாதனைகள்

மோகன் சி-ன் ரசிகர்களுக்கு அர்ப்பணம்!!

மோகன் சி-ன் ரசிகர்களே!உங்கள் அபிமான ஊழியரின் கடந்தகால ஊழிய வரலாற்றைக் கண்டுகளிக்க வேண்டுமா? இந்த வீடியோவைப் பாருங்கள்.அவர் எப்படியெல்லாம் ஜெபிக்கிறார், சமூகப்பணிகள் செய்கிறார், எத்தனை பெரிய ஊழியர்களுடன் நெருங்கின தொடர்பு வைத்துள்ளார் என்பதைப் பார்த்து நீங்கள் புல்லரித்துப் போவதற்காகவே இந்த வீடியோ!ஆனாலும் எனக்கொரு வருத்தம் … பிரபல திரைப்பட நடிகையும் தற்போது பாராளுமன்ற தேர்தலில் நிற்பவருமான நக்மா, நாலுமாவடி தேவனுடைய வீட்டில் வந்து சொன்ன சாட்சி/பிரசங்கம்/ஜெபம் சம்பந்தமான படங்களை இணைக்க மறந்துவிட்டார்.பொதுவாக உலகத்தார்தான் தங்களது கடந்தகால அனுபவங்களை நினைவூட்டி, ஜனங்களிடம் அனுதாபம் வாங்க முயல்வார்கள்.தற்போது மோகன் சி-ன் ஊழியத்தில் என்ன தொய்வோ தெரியவில்லை, அவரும் உலகத்தாரின் வழியைப் பின்பற்றி தனக்கு அனுதாபம் வாங்க முயல்கிறார்.

இந்த வீடியோவைப் பார்த்து மனது உருகுபவர்கள், உங்கள் மேலான ஆதரவை மோகன் சி-க்குக் கொடுங்கள்.

பரலோக வீடு vs பெரிய வீடு

நம்முடைய குடியிருப்போ பரலோகத்திலிருக்கிறது, அங்கேயிருந்து கர்த்தராயிருக்கிற இயேசுகிறிஸ்து என்னும் இரட்சகர் வர எதிர்பார்த்துக்கொண்டிருக்கிறோம் (பிலிப்பியர் 3:20).இப்படிச் சொன்னார் வேதாகம நல்ஊழியர் பவுல். ஆனால் இன்றைய போலி ஊழியரான மோகன் சி, ஒரு ஏக்கர் நிலத்தில் தனக்குப் பெரியவீட்டைக் கட்டினதை நியாயப்படுத்த கர்த்தரை சாட்சியாக அழைக்கிறார்.வாடகை வீட்டில் வாழ்ந்து, உண்ணவும் உடுக்கவும் இருந்தால் போதுமென்றிருக்கக் கடவோம் எனக் கூறின பவுல் எங்கே? ஒரு ஏக்கர் நிலத்தில் பெரிய வீட்டைக் கட்டினதை (கர்த்தர் பெயரால்) நியாயப்படுத்திக் கொண்டிருக்கும் மோகன் சி எங்கே?பிலி. 3:17 சகோதரரே, நீங்கள் என்னோடேகூடப் பின்பற்றுகிறவர்களாகி, நாங்கள் உங்களுக்கு வழிகாட்டுகிறபடி நடக்கிறவர்களை மாதிரியாக நோக்குங்கள். 18 அநேகர் வேறுவிதமாய் நடக்கிறார்கள்; அவர்கள் கிறிஸ்துவின் சிலுவைக்குப் பகைஞரென்று உங்களுக்கு அநேகந்தரம் சொன்னேன், இப்பொழுது கண்ணீரோடும் சொல்லுகிறேன். 19 அவர்களுடைய முடிவு அழிவு, அவர்களுடைய தேவன் வயிறு, அவர்களுடைய மகிமை அவர்களுடைய இலச்சையே, அவர்கள் பூமிக்கடுத்தவைகளைச் சிந்திக்கிறார்கள்.

https://www.facebook.com/gnanam57

அண்ணன் மோகன் சி லாசரஸின் 35 வருட ஊழியக் கொண்டாட்டத்தின் ஒரு பகுதி இது.25 வருட ஊழியத்திற்குப்பின், இவர் தனக்கென ஒரு சிறியவீடு கட்ட நினைத்தாராம்; ஆனால் இவரது ஊழிய trust உறுப்பினர்கள் பெரிய வீடாகக் கட்டவேண்டுமெனச் சொல்லி,

பெரிய வீட்டிற்கான plan போட்டு கட்ட ஏற்பாடு செய்துவிட்டார்களாம். ஆனாலும் இவருக்கு அதில் விருப்பமில்லையாம்; எனவே ஆண்டவரிடம் அதுபற்றி கேட்டாராம். அதற்கு ஆண்டவர்: 25 வருடமாக எனக்கு ஊழியம் செய்த உனக்கு, இந்த வீட்டை நான் கட்டித்தருகிறேன் என்றாராம். அதன்பின்னர்தான் இவருக்கு நிம்மதியாக இருந்ததாம்.இந்த ஆண்டவரிடம் ஏன் தான் இப்படி பாரபட்சமோ? கசையடி வாங்கி, சிறையில் வாடி, கடலில் இரவுபகலாகத் தன்னந்தனியாகக் கிடந்து ஊழியம்செய்த பவுலுக்கு வெறும் வாடகை வீட்டைத்தான் ஆண்டவர் கொடுத்தார்; பவுல் பட்ட பாடுகளில் 10 சதவீதம்கூட படாத மோகன் சி விஷயத்திலோ, அவர் கட்டின பெரிய வீட்டுக்கு approval கொடுக்கிறார்.

மோகன் சி பெரிய வீட்டைக் கட்ட அவரது ஆண்டவர் அனுமதி கொடுத்திருக்க, வேதாகமக் கர்த்தரோ இப்படிச் சொல்கிறார்.

ஆமோஸ் 3:15 மாரிகாலத்து வீட்டையும் கோடைகாலத்து வீட்டையும் அழிப்பேன்; அப்பொழுது யானைத்தந்தத்தால் செய்யப்பட்ட வீடுகள் அழியும்; பெரிய வீடுகளுக்கும் முடிவு வரும் என்று கர்த்தர் சொல்லுகிறார்.

அப்புறம், (மோகன் சி-யின்) தேவனுடைய வீட்டிற்குச் ஜெபிக்கிற யாராயினும், அவர்களின் வியாதி குணமாகுமென ஆண்டவர் வாக்குக் கொடுத்துள்ளாராம். மோகன் சி-யின் இக்கூற்றை நம்புகிற ஜனங்களே! இனி உங்களுக்கு வியாதி வந்தால் மருத்துவனைக்குச் செல்லாதீர்கள்; நாலுமாவடி தேவனுடைய வீட்டிற்குச் செல்லுங்கள்.

வியாதி குணமானால், மோகன் சி-க்கு காணிக்கைகளை அள்ளி வழங்குங்கள்; குணமாகாவிடில், இவர் ஆண்டவர் பெயரில் பொய் சொல்கிறார் என்பதைப் புரிந்துகொள்ளுங்கள்.

பொதுவாக நாம் செய்கிற ஜெபத்தையும் தருமங்களையும் விளம்பரமில்லாமல் செய்யவேண்டும் என்பது இயேசுவின் ஆலோசனை/கட்டளை. ஆனால் நம் மோகன் சி-க்குத் தான் எல்லா விஷயத்திலும் ஆண்டவர் விதிவிலக்கு கொடுக்கிறாரே!

எனவே மோகன் சியின் ஆரம்ப கால ஊழியத்திலிருந்து, அவர் எப்படி எப்படி ஊழியம் செய்தார், ஜெபித்தார், தருமம் செய்தார் என்பதையெல்லாம் படம்/வீடியோ பிடித்து காட்டி, விளம்பரம் செய்கிறார். இவையெல்லாம் விளம்பரமாக வேண்டும் என அவர் விரும்புவதால், நான் இந்த வீடியோவை share செய்து அவருக்கு விளம்பரம் கொடுத்துள்ளேன்; நீங்களும் அப்படியே share செய்து விளம்பரப்படுத்தினால், மோகன் சி மிகவும் மகிழ்வார்.

SONNATHAI SEIYUM DEVAN (PART THREE) – MSG BY BRO. MOHAN C LAZARUS

http://www.youtube.com

SONNATHAI SEIYUM DEVAN (PART THREE) – MSG BY BRO. MOHAN C LAZARUS

http://www.youtube.com/attribution_link?a=ZoW2N6-pM6w&u=%2Fwatch%3Fv%3DfUh7Yzegpys%26feature%3Dshare

மோகன் சி.லாசரஸ் சர்ச் கட்டிடம் இடிந்து விழுந்து இருவர் மரணம்

 https://devapriyaji.wordpress.com/2013/09/17/jesusredeems/

Advertisements