நளினியிடம் இருந்து சிறையில் மொபைல் போன் பறிமுதல்
ஏப்ரல் 21,2010,00:00  IST

Front page news and headlines todayவேலூர் : வேலூர் பெண்கள் சிறையில் அடைக்கப்பட்டுள்ள ராஜிவ் கொலையாளி நளினியிடம் இருந்து மொபைல் போன், இரண்டு சிம் கார்டுகள் பறிமுதல் செய்யப்பட்டன. பலத்த பாதுகாப்பையும் மீறி சிறைக்குள் மொபைல் போன் சென்றது எப்படி என, போலீசார் விசாரித்து வருகின்றனர்.முன்னாள் பிரதமர் ராஜிவ் கொலை வழக்கில் தூக்கு தண்டனை விதிக்கப்பட்டு பின், ஆயுள்தண்டனையாக குறைக்கப்பட்ட நளினி, வேலூர் பெண்கள் சிறையில் அடைக்கப்பட்டுள்ளார்.

இந்த வழக்கில் தூக்கு தண்டனை பெற்ற நளினியின் கணவர் முருகன் மற்றும் ராபர் பயாஸ் உள்ளிட்டபலர், வேலூர் மத்திய ஆண்கள் சிறையில் அடைக்கப்பட்டுள்ளனர். சிறையில் 19 ஆண்டு தண்டனை அனுபவித்து வரும் நளினி, ‘தன்னை விடுதலை செய்ய வேண்டும்’ என, ஐகோர்ட்டில் வழக்கு தொடுத்தார். ஐகோர்ட் உத்தரவுபடி அறிவுரை கமிட்டி அமைக்கப்பட்டு அரசுக்கு அறிக்கை அனுப்பியது. ஆனால், முன்கூட்டியே விடுதலை செய்ய அரசு மறுத்து விட்டது.

பெண்கள் சிறையில் நளினி அறையில் நேற்று காலை 8 மணிக்கு பெண்கள் சிறைசூப்பிரண்டென்ட் ராஜலெட்சுமி, துணை சிறை அலுவலர் லெட்சுமி ஆகியோர் திடீர் சோதனை செய்தனர்.அப்போது நளினி வைத்திருந்த பையில் ஒரு மொபைல் போன் இருந்தது கண்டுபிடிக்கப்பட்டது. நளினி தங்கியிருந்த அறையில் சோதனை நடத்திய போது மேலும் இரண்டு சிம்கார்டுகள் சிக்கின. நளினியிடம், சிறைத்துறை அதிகாரிகள் ஒரு மணி நேரம் விசாரணை நடத்தினர். அப்போது, ‘தன்னிடம் மொபைல் போன் எப்படி வந்தது என தெரியவில்லை’ என்று, நளினி கூறியதாக அதிகாரிகள் தெரிவித்தனர்.

நளினியிடம் கைப்பற்றிய மொபைல் போனில் உள்ள சிம்கார்டு மற்றும் இரண்டு சிம்கார்டுகளைக் கொண்டு, நான்கு ஆண்டுகளுக்கும் மேலாக நளினி சிறையில் இருந்தபடி பேசியதும், குறிப்பாக வெளிநாடுகளுக்கு அதிகளவில் பேசியதும் விசாரணையில் தெரிய வந்துள்ளது. நளினியிடம் மொபைல் போன் பறிமுதல் செய்யப்பட்டது குறித்து நேற்று மாலை 7 மணி வரை முறையாக பாகாயம் போலீஸ் ஸ்டேஷனில் புகார் செய்யப்படவில்லை என, போலீசார் தெரிவித்தனர். நளினிக்கு மொபைல் போன் எப்படி கிடைத்தது, இதற்கு பெண்கள் சிறைத்துறை அதிகாரிகள், சிறைக்காவலர்கள் உடந்தையாக இருந்தார்களா என்பது குறித்து, சென்னையில் இருந்து சிறைத்துறை உயர் அதிகாரிகள் வந்து விசாரணை நடத்தி வருகின்றனர்.வேலூர் மத்திய ஆண்கள் சிறையில் அடைக்கப்பட்டுள்ள ராஜிவ் கொலையாளிகள் நளினியின் கணவர் முருகன் மற்றும் சாந்தன், பேரறிவாளன் ஆகியோரிடம் மொபைல் போன்கள் உள்ளனவா என்பது குறித்தும், ஆண்கள் சிறைத்துறை அதிகாரிகள் சோதனை நடத்தி வருகின்றனர்.

இது குறித்து சிறைத்துறை காவலர்கள் கூறியதாவது:வேலூர் மத்திய ஆண்கள், பெண்கள் சிறைகளில் பணம் கொடுத்தால் என்ன வேண்டுமானாலும் கிடைக்கும் நிலை உள்ளது. குறிப்பாக ராஜிவ் கொலையாளிகள் நளினி, முருகன் சம்பந்தப்பட்டவர்களிடம் பல ஆண்டுகளாகவே மொபைல் போன்கள் இருப்பதும், அவர்கள் அதன் மூலம் பல மணி நேரம் பேசி வருவதும் சிறைத்துறைஅதிகாரிகளுக்கு நன்றாகவே தெரியும். இந்த நிலையில் திடீர் என இந்த பிரச்னை இப்போது கிளம்பி இருப்பது ஆச்சரியமாக இருக்கிறது. இவ்வாறு அவர்கள் தெரிவித்தனர்.

நளினியிடம் மொபைல் போன் சிக்கியுள்ளதையடுத்து, கடந்த ஒரு மாதமாக பெண்கள் சிறையில் பணியாற்றி வந்த அனைத்து அதிகாரிகள், சிறை காவலர்களிடம் விசாரணை நடத்த சிறைத்துறை உத்தரவிட்டுள்ளது. பல அதிகாரிகள் சஸ்பெண்ட் செய்யப்பட வாய்ப்புக்கள் இருப்பதாக சிறைத்துறை வட்டார தகவல்கள் தெரிவிக்கின்றன.நளினியிடம் கைப்பற்றிய மொபைல் போன், சிம் கார்டுகளை அவர் எத்தனை ஆண்டுகளாக வைத்திருந்தார், யார், யாரிடம் பேசி இருக்கிறார், அந்த சிம்கார்டுகள் யார் பெயரில் வாங்கப்பட்டுள்ளன என்பது குறித்த விவரம் சம்பந்தப்பட்ட மொபைல் போன் நிறுவனங்களிடம் சிறைத்துறை அதிகாரிகள் விரிவாக விசாரணை செய்து வருகின்றனர். நளினி மொபைல் போனில் பயன்படுத்திய சிம் கார்டு, ஏர்டெல் நிறுவனத்தைச் சார்ந்தது என்றும் தகவல்கள் தெரிவிக்கின்றன.

செல்போனில் லண்டன்-கனடாவுக்கு பேசினாரா நளினி?

Naliniசென்னை: சிறையில் தன்னைப் பார்க்க வருபவர்களைத் தடை செய்து சிறை அதிகாரிகள் தொல்லை செய்வதாக ராஜீவ் காந்தி கொலை வழக்கில் ஆயுள் தண்டனை அனுபவித்து வரும் நளினி புகார் கூறியுள்ளார்.

நேற்று வேலூர் பெண்கள் சிறை எஸ்பி ராஜலட்சுமி தலைமையில் அதிகாரிகள் கைதிகளின் அறைகளில் சோதனை நடத்தினர். அப்போது நளினியின் அறையில் இருந்து ஒரு செல்போன் பறிமுதல் செய்யப்பட்டது.

அந்த செல்போனுக்கு வந்த அழைப்புகள் மற்றும் அதில் இருந்து மேற்கொள்ளப்பட்ட அழைப்புகள் பற்றி விசாரணை நடந்து வருகிறது.

முன்னதாக சிறைத்துறை டிஜிபிக்கு நளினி ஒரு புகார் கடிதம் அனுப்பியுள்ளார். கடந்த 6ம் தேதி நளினி எழுதியுள்ள கடிதத்தில்,

நான் கடந்த 19 ஆண்டுகளாக தமிழக சிறைகளில் இருக்கிறேன். அதில் 13 ஆண்டு காலம் வேலூர் பெண்கள் தனிச் சிறையில் ஆயுள் சிறைவாசியாக இருந்து வருகிறேன். எனது கணவரும் வேலூர் ஆண்கள் மத்திய சிறையில் இருக்கிறார்.

இதுவரை சட்டப்படியும், சிறை விதிமுறைகளுக்கும் கட்டுப்பட்டே நடக்கிறேன். எந்த விதமான கெட்ட பழக்கங்களுக்கும் நான் அடிமை இல்லை. தவிர சிறை ஊழியர்களுக்கு கையூட்டு கொடுத்து அவர்களிடம் தேவையானவைகளை சாதிக்கும் பழக்கமும் எனக்கு இல்லை. இதனால் நான் பலவிதமான இன்னல்களுக்கு ஆளாகிறேன்.

என்னை பார்க்க வருபவர்களை பல மணிநேரம் காக்க வைத்து இழுத்தடிப்பது. எனது அம்மா, மாமனார், மாமியார் போன்ற வயதானவர்களை 2 மணி நேரம் முதல் 4 மணி நேரம் காக்க வைத்து திரும்ப அனுப்பி விடுவது, அனுமதி மறுப்பது, விரட்டி அடிப்பது, அவதூறாக பேசுவது என்று எண்ணற்ற பிரச்சினைகளை சந்திக்கிறேன்.

எனது நேர்காணலில் கொண்டு வரும் பொருட்களை எல்லாம் பயன்படுத்தவே முடியாத அளவிற்கு சோதனை என்ற பெயரில் நாசம் செய்வது, துணிகளை கிழிப்பது, கொண்டுவரும் பைகளை கிழிப்பது என்று அதிகார துஷ்பிரயோகம் எல்லை மீறிக்கொண்டே போகிறது.

இதுவரை 19 ஆண்டுகளில் ஒருமுறை கூட சிறை விதிகளுக்கு புறம்பான பொருட்களை கொண்டு வந்ததும் இல்லை. எனது நேர்காணலில் எனது உறவினர்களை சோதனை செய்து கண்டு பிடித்ததும் இல்லை.

இந்த சிறையில் `ஏ’ வகுப்பு சிறைவாசிகளுக்கான தனி மனு அறையும் கிடையாது. என்னை சந்திக்க வரும் குழந்தைகளையும் நான் தொடவும் முடியாத சூழ்நிலையே பெண்கள் சிறையில் நிலவுகிறது.

ஆண்கள் மத்திய சிறைகளில் குழந்தைகள் தந்தையுடன் இருப்பதில்லை. ஆனால் பெண்கள் சிறையில் பெண்கள் குழந்தைகள் பெற்றெடுப்பதுடன், கைக்குழந்தையுடன் கைதாகி வருவதால் பெண் சிறைவாசிகளுடன் குழந்தைகள் சிறையில் இருக்கிறார்கள். சந்திக்கவும் வருகிறார்கள். இது எனக்கு மிக அதிகமான மன உளச்சலையும், மன அழுத்தத்தையும் ஏற்படுத்துகிறது. இதை பெண்கள் சிறை என்று சொல்வதைவிட எனக்கான கல்லறை எனலாம்.

சிறை மருத்துவரும், வெளி மருத்துவமனையில் இருந்து வரும் மருத்துவர்களும் பரிந்துரைக்கும் உணவுகளோ, பழங்களோ, காய்கறிகளோ நாம் பெற வழியில்லை.

இதற்கான தீர்வுதான் என்ன? எமக்கு உரிய பரிகாரம் கிடைக்குமா? சிறைத்துறை நேர்காணல் நேரங்களை எமக்கான தனிப்பட்ட நாள் என்று ஏதும் அறிவுறுத்தப்பட்டால் அதன்படி நேர்காணல் செய்யவும் நான் தயாராகவும் இருக்கிறேன்.

உங்களின் அவசரமான தலையீடு மற்றும் உத்தரவுகள் எமக்கு உரிய பரிகாரம் அளிக்கும் என்று நம்பிக்கையுடன் இருக்கிறேன் என்று கூறியுள்ளார் நளினி.

சமீபத்தில், நளினி தாக்கல் செய்த விடுதலை கோரிய மனுவை உயர்நீதிமன்றம் தள்ளுபடி செய்தது. இந்த நிலையில் நளினியின் அறையிலிருந்து செல்போன் சிக்கியதாக போலீஸ் தரப்பில் நேற்று கூறப்பட்டது. இந்தச் சூழ்நிலையில் சிறையில் தான் பல்வேறு இன்னல்களைச் சந்திப்பதாக நளினி புகார் கூறியிருப்பது குறிப்பிடத்தக்கது.

வேலூர் சிறையில் இன்றும் சோதனை:

இந் நிலையில் வேலூர் சிறையில் இன்றும் போலீசார் சோதனை நடத்தினர். ஆண்கள் சிறை மற்றும் பெண்கள் சிறையில் இந்த சோதனை நடந்து வருகிறது.

நளினியிடம் செல்போன்-காங். கேள்வி:

இந் நிலையில் இன்று தமிழக சட்டசபையில் பேசிய காங்கிரஸ் உறுப்பினர் ஞானசேகரன், ராஜீவ்காந்தி படுகொலையில் தண்டனை அடைந்த குற்றவாளி நளினி வேலூர் சிறையில் அடைக்கப்பட்டுள்ளார். அவரிடம் இருந்து ஏர்டெல் சிம் கார்டுடன் செல்போன் கைப்பற்றப்பட்டுள்ளது. அந்த நம்பர் சென்னையில் பெறப்பட்டுள்ள நம்பர் ஆகும். அதிகாரிகள் கைப்பற்றியபோது அதை கழிவறையில் வீசினார். அதை கைப்பற்றியதோடு 2 சிம்கார்டுகளும் கண்டுபிடிக்கப்பட்டுள்ளது.

4 ஆண்டுகளாக அவர் லண்டன், கனடாவுக்கு பேசி இருப்பதாகத் தெரிகிறது. முதல் வகுப்பு சலுகை பெற்று அடைக்கப்பட்டுள்ள அவர் சிறை விதிகளை மீறியது இல்லை என்று சத்தியப் பிரமாண வாக்குமூலம் கொடுத்து கோர்ட்டில் தன்னை விடுதலை செய்யுமாறு கேட்டிருந்தார். அப்படி கூறியவரிடம் இப்போது மொபைல் போன் எப்படி வந்தது என்று கேட்டார்.

இதற்கு பதிலளித்த சட்டத்துறை அமைச்சர் துரைமுருகன்,

வேலூர் பெண்கள் மத்திய சிறையில் ஜெயில் சூப்பிரண்டு அதிகாரிகள் சோதனை செய்தனர். அப்போது நளினி அறையில் சோதனையிடப்பட்டது. அங்கு துணிப்பையில் ஒரு செல்போன் மறைத்து வைக்கப்பட்டு இருந்ததை கண்டுபிடித்து அதிகாரிகள் எடுக்க முற்பட்டபோது வேகமாக பிடுங்கி கழிவறையில் போட்டுள்ளார் துணை ஜெயிலர் ஓடிவந்து எடுத்து அதை பழுது பார்க்க அனுப்பி உள்ளார்.

அவர் 4 ஆண்டுகளாக செல்போனில் பேசினாரா? என்ற தகவல் எதுவும் வரவில்லை. பேசி இருக்கலாம், இல்லாமலும் இருக்கலாம். செல்போன் பழுது செய்யப்பட்ட பிறகு யாருடன் பேசியது என்ற விவரம் தெரிய வரும்.

செல்போன் தவிர 2 சிம் கார்டுகளும் கைப்பற்றப்பட்டுள்ளன. பல ஜெயில்களில் இதேபோல செல்போன் கைப்பற்றப்பட்ட சம்பவமும் நடைபெற்று உள்ளது. வேலூர் பெண்கள் மத்திய ஜெயிலில் செல்போன் கைப்பற்றப்பட்டது இதுதான் முதல் முறையாகும்.

இந்த அரசு பொறுப் பேற்ற பிறகு இதுவரை சிறைகளில் செல்போன், கஞ்சா கடத்தியவர்களை கண்டுபிடித்து நடவடிக்கை எடுத்து வருகிறோம். இதை கண்டுபிடிக்க கருவிகளும் வழங்கப்பட்டுள்ளன. 19 சிறை பணியாளர்கள் மீது நடவடிக்கை எடுக்கப்பட்டுள்ளது. 7 வெளி நபர்கள் மீது கிரிமினல் நடவடிக்கை எடுக்கப்பட்டுள்ளது. 195 கைதிகள் மீது நடவடிக்கை எடுக்கப்பட்டுள்ளது.

என்னதான் சட்டம் போட்டு தடுத்தாலும் அதை மீறி செய்யும் கூட்டம் இருக்கத்தான் செய்யும். எனவே மிக கவனத்துடன் இருக்குமாறு சிறைத்துறை அதிகாரிகளுக்கு அவ்வப்போது அறிவுறுத்தப்பட்டுள்ளது என்றார்.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

வரலாற்று உண்மைகளை அலசுவோமே

வரலாற்று உண்மைகளை அலசுவோமே

வரலாற்று உண்மைகளை அலசுவோமே

Dwindling In Unbelief

வரலாற்று உண்மைகளை அலசுவோமே

Larry Hurtado's Blog

Comments on the New Testament and Early Christianity (and related matters)

TaborBlog

Religion Matters from the Bible to the Modern World

தமிழன்

வரலாற்று உண்மைகளை அலசுவோமே

வரலாற்று உண்மைகளை அலசுவோமே

இறையில்லா இஸ்லாம்

வரலாற்று உண்மைகளை அலசுவோமே

JESUS? CHRIST?- Gospels are Legends

வரலாற்று உண்மைகளை அலசுவோமே

வரலாற்று உண்மைகளை அலசுவோமே

கிறிஸ்தவம் பலானது

உண்மைகளை அறிவோம் தீமைகளை விரட்டுவோம்

World Watch- Devapriyaji

வரலாற்று உண்மைகளை அலசுவோமே

%d bloggers like this: